Foto: Polisia.kz
Almatyda kásipkerden 2 million teńge bopsalaǵan "qylmystyq tórttik" ustaldy, - dep habarlaidy "Ult aqparat" Polisia.kz saityna silteme jasap.
Arnaiy is-shara barysynda qylmys jasady degen kúdikpen tórt er adam ustaldy. Olardyń úsheýi buryn qaraqshylyq shabýyl, densaýlyqqa aýyr ziian keltirý jáne bótenniń múlkin urlaý boiynsha isti bolǵandyǵy belgili boldy.
"Kúdiktiler fizikalyq kúsh qoldanamyn dep qorqytyp, kásipker 21 jastaǵy K. esimdi azamattan 2 million teńge kóleminde aqsha bopsalaǵan. Kúdiktiler suraǵan somanyń birinshi bóligin birden alǵan, qalǵanyn tabý úshin 20 kún ýaqyt bergen. Bopsalaý deregi QR QK-niń 194-baby 2-bóligimen tirkeldi. Jedel jáne arnaiy sharalar kesheni júrgizildi. "Qylmystyq tórttiktiń" qylmystyq áreketteri qujattaldy. Olar qylmys ústinde ustaldy. QR QPK-niń 128-babyna sáikes kúdiktiler ÝUI-ǵa qamaldy. Atys qarýyn zańsyz saqtaý deregi anyqtaldy. Saraptamalar taǵaiyndaldy", — dedi Medeý aýdandyq politsiia basqarmasynyń bastyǵy Iliias Ómirserikov.
QR QPK-niń 201-babyna sáikes ózge aqparattar tergeý múddesine orai jariialaýǵa jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady.
