sýret ashyq derekkózden alyndy
Bas prokýratýranyń Arnaiy prokýrorlar qyzmeti «QI Trade Kazakhstan» (Qarat Invest) qarjy piramidasyn uiymdastyrýshylarǵa qatysty qylmystyq isti tergep-tekserdi, dep habarlaidy "Ult aqparat" vedomstvonyń baspasóz qyzmetine silteme jasap.
Olardyń bas ofisi Almaty qalasynda ornalasqan, sondai-aq óńirlerde 12 filial jumys istegen.
«AMAZON» (AQSh) búkilálemdik alańynda saýda jasaý degen atpen, senimgerlik basqarý negizinde azamattar protsenti túrinde odan ári kiris alý úshin aqsha salǵan. Salymshylarǵa salym somasyna bailanysty jyldyq 96%-ǵa deiin paida ýáde etilgen. Sonyń saldarynan kompaniia 6 mlrd. teńgeden astam somaǵa 1345 azamatqa zalal keltirgen.
"Prokýratýra azamattardy aldaý shemasyn jasaǵandardyń, sondai-aq kompaniianyń bas ofisi jáne filialdary basshylarynyń kinásin dáleldei aldy.
Nátijesinde Bostandyq aýdandyq sotynyń úkimimen 15 adam kináli dep tanylyp, bas bostandyǵynan aiyryldy (6 jyldan 7 jylǵa deiin).
Bas prokýratýra azamattardy qyraǵy bolýǵa, kúmándi uiymdarǵa aqsha salýdan bas tartýǵa shaqyrady" - delingen habarlamada.
