Almatyda belgisiz er adam tapanshamen balabaqsha aýmaǵyna kirmekshi boldy, dep habarlaidy "Ult aqparat".
Oqiǵa videosy áleýmettik jelide tarady.
«Belgisiz er adam kúzetshini tapanshamen qorqytyp, balabaqsha aýmaǵyna kirmek bolǵan. Mektepke deiingi mekemeniń kúzetshisi politsiia jasaǵyn shaqyrdy», - deidi beinejazba avtory.
Oqiǵa Naýryzbai aýdanynyń kottedj qalashyǵynda ornalasqan «Ashamai-2» balababaqshasynda boldy.
Bul jaǵdaiǵa qatysty Almaty qalasy Politsiia departamentindegiler pikir bildirdi.
«Bul fakt Naýryzbai aýdanynyń politsiia basqarmasynda tirkeldi. Qazir tekserý júrip jatyr. Er adamnyń qolyndaǵy qarý - gazben atylatyn tapansha, resmi túrde ruqsatyn alǵan. Is júrgizý kezinde zańǵa sáikes sharalar qoldanylady», - delingen jaýapta.
Almaty qalalyq Politsiia departamentiniń málimetinshe, atalǵan fakt Naýryzbai aýdandyq politsiia basqarmasynda tirkeldi.
