Almatyda qarajatty qolma-qol aqshaǵa aýdarǵan top sottaldy. Bul týraly QazAqparat QR QMA baspasóz qyzmetine silteme jasap habarlaidy.
Almaty qalasy boiynsha qarjylyq monitoring agenttiginiń aýmaqtyq departamenti materialdyq syiaqy alý úshin jalǵan shot-faktýralar men bastapqy býhgalterlik qujattardy shyǵarýmen ainalysqan Bolat Q., Qystaýbaev Ý. basqarǵan 7 adamnan turatyn qylmystyq topqa jáne basqa da tulǵalarǵa qatysty sotqa deiingi tergep-tekserýdi aiaqtady.
Tergeý barysynda atalǵan tulǵalardyń ózderiniń baqylaýyndaǵy 4 kommertsiialyq kompaniia arqyly qyzmetter kórsetý jáne taýarlardy jóneltý, jumystardy naqty oryndamai jalǵan shot-faktýralardy shyǵaryp salyq tóleýden jaltaryný, 2018-2020 jyldar aralyǵynda jalpy somasy 3 mlrd. teńgeni quraǵan kommertsiialyq uiymdarǵa jumystar jasaǵan.
Aiyptalýshylardyń turǵylyqty jeri boiynsha tintý júrgizý barysynda mórler, bank kartalary, kompiýterler, noýtbýkter, buryn qolma-qol alynǵan 7 mln.teńge aqshasy, sondai-aq, salmaǵy 849 gr bolatyn tyiym salynǵan «marihýana» esirtki zattaryn ósirý faktisi anyqtaldy.
Sot úkimimen aiyptalýshylar QR QK-niń 216-babynyń 3-bóligi (is júzinde jumystar oryndalmai, qyzmetter kórsetilmei jáne taýar tiep-jóneltilmei shot-faktýra jazý boiynsha is-áreketter jasaý) boiynsha kináli dep tanylyp, 3 jyldan 4,8 jylǵa deiin ártúrli merzimge bas bostandyǵynan aiyrýǵa sottalǵan.
Tyiym salynǵan esirtki zattardy tabý faktisi boiynsha sotqa deiingi tergeý Almaty qalasynyń PD tergeýligi boiynsha berildi.
