Bir apta ishinde Almatyda karantin sharalaryn buzǵany úshin 40-qa jýyq kásipkerlik nysanyna aiyppul salyndy, dep habarlaidy "Ult aqparat".
Almaty qalasy taýarlar men qyzmetterdiń sapasy men qaýipsizdigin baqylaý departamentinde monitoringi toby bir aptada 39 nysan men 83 jeke tulǵanyń karantin rejimin buzǵanyn anyqtady. Olarǵa jalpy 16 mln 376 myń teńge aiyppul salyndy. Ákimshilik sottyń qaraýyna 1 material jiberildi.
Kásipkerlik sýbektilerinde negizinen dezinfektsiia quraly bolmaǵan, jumys rejimi, maska rejimi buzylǵan.
«Almaty qalasy Túrksib aýdanynyń monitoring toby «Lamazi» meiramhanasynda 60 adamǵa arnalǵan qudalyq ótkenin anyqtady. Osyǵan uqsas zańbuzýshylyq Medeý aýdanyndaǵy «Ailina» meiramhanasynda tirkelgen. Kásipkerlerge hattama toltyrylyp, 230 AEK kóleminde aiyppul salyndy», - dedi departament ókili.
17 tamyzdan bastap osy ýaqytqa deiin monitoring toptary 9 myńnan astam tekserýge bardy. Ákimshilik buzýshylyqtar týraly 3 756 hattama toltyryldy. Óz erkimen 1 635 nysan qyzmetin toqtatty. Maska rejimin buzǵany úshin - 3 366 jeke tulǵaǵa, onyń ishinde Arbat aýmaǵynda 69 adamǵa aiyppul salyndy. Qoǵamdyq kólikte 27 tamyzdan beri maska taqpaǵany úshin 61 jeke tulǵaǵa aiyppul salyndy.
Esterińizge sala keteiik, Almatyda 6 monitoring toby karantin sharalarynyń saqtalýyn baqylaýda. Onyń quramyna ákimdik ókilderi, taýarlar men qyzmetterdiń sapasy men qaýipsizdigin baqylaý departamentiniń, sondai-aq politsiia qyzmetkerleri kiredi.
