بٸر اپتا ٸشٸندە الماتىدا كارانتين شارالارىن بۇزعانى ٷشٸن 40-قا جۋىق كەسٸپكەرلٸك نىسانىنا ايىپپۇل سالىندى, دەپ حابارلايدى "ۇلت اقپارات".
الماتى قالاسى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸندە مونيتورينگٸ توبى بٸر اپتادا 39 نىسان مەن 83 جەكە تۇلعانىڭ كارانتين رەجيمٸن بۇزعانىن انىقتادى. ولارعا جالپى 16 ملن 376 مىڭ تەڭگە ايىپپۇل سالىندى. ەكٸمشٸلٸك سوتتىڭ قاراۋىنا 1 ماتەريال جٸبەرٸلدٸ.
كەسٸپكەرلٸك سۋبەكتٸلەرٸندە نەگٸزٸنەن دەزينفەكتسييا قۇرالى بولماعان, جۇمىس رەجيمٸ, ماسكا رەجيمٸ بۇزىلعان.
«الماتى قالاسى تٷركسٸب اۋدانىنىڭ مونيتورينگ توبى «لامازي» مەيرامحاناسىندا 60 ادامعا ارنالعان قۇدالىق ٶتكەنٸن انىقتادى. وسىعان ۇقساس زاڭبۇزۋشىلىق مەدەۋ اۋدانىنداعى «ايلينا» مەيرامحاناسىندا تٸركەلگەن. كەسٸپكەرلەرگە حاتتاما تولتىرىلىپ, 230 اەك كٶلەمٸندە ايىپپۇل سالىندى», - دەدٸ دەپارتامەنت ٶكٸلٸ.
17 تامىزدان باستاپ وسى ۋاقىتقا دەيٸن مونيتورينگ توپتارى 9 مىڭنان استام تەكسەرۋگە باردى. ەكٸمشٸلٸك بۇزۋشىلىقتار تۋرالى 3 756 حاتتاما تولتىرىلدى. ٶز ەركٸمەن 1 635 نىسان قىزمەتٸن توقتاتتى. ماسكا رەجيمٸن بۇزعانى ٷشٸن - 3 366 جەكە تۇلعاعا, ونىڭ ٸشٸندە اربات اۋماعىندا 69 ادامعا ايىپپۇل سالىندى. قوعامدىق كٶلٸكتە 27 تامىزدان بەرٸ ماسكا تاقپاعانى ٷشٸن 61 جەكە تۇلعاعا ايىپپۇل سالىندى.
ەستەرٸڭٸزگە سالا كەتەيٸك, الماتىدا 6 مونيتورينگ توبى كارانتين شارالارىنىڭ ساقتالۋىن باقىلاۋدا. ونىڭ قۇرامىنا ەكٸمدٸك ٶكٸلدەرٸ, تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ, سونداي-اق پوليتسييا قىزمەتكەرلەرٸ كٸرەدٸ.
