Almatyda bas memlekettik sanitariia dárigeriniń karantindi jeńildetý týraly jańa qaýlysy kúshine endi, - dep habarlaidy Tengrinews.kz.
Qaýlyǵa sáikes, 4 qyrkúiekten bastap Ashyq qatysýshylary demalys kúnderi jumys istei alady. Qarapaiym músheler - 00.00-ge deiin, Ashyq kóshbasshylary - 02.00-ge deiin mártebesi "jasyl" adamdardy ǵana kirgizedi.
Al 6 qyrkúiekten bastap jumys kúnderi qarapaiym Ashyq qatysýshylary úshin jumys ýaqyty 00.00-ge deiin, Ashyq kóshbasshylary úshin 02.00-ge deiin uzartylady.
Buǵan deiin Bekshin óziniń qaýlysyna sáikes kóptegen biznes nysany demalys kúnderi "jasyl" mártebesi bar kelýshilerge ashylatynyn aitqan bolatyn. Alaida vaktsina almaǵan nemese jaqyn ýaqytta aýyrmaǵan mártebesi "kók" adamdar bul nysandardyń kópbine kire almaidy.
Aita keteiik, Almatynyń bas sanitariia dárigeri sońǵy jeti kúnde nátijesi teris PTR-testi bar nemese meditsinalyq anyqtamasy bar adamdarǵa "jasyl" mártebe beriletinin habarlady.
Sondai-aq, Bekshin koronavirýsqa bailanysty jańa boljamyn jariialady. Onyń aitýynsha, qaladaǵy epidemiologiialyq jaǵdai burynǵy boljamǵa sáikes kele jatyr.
