Almatynyń bas memlekettik sanitar dárigeri Jandarbek Bekshin jańa qaýly shyǵardy.
Qaýlyǵa sáikes, "qyzyl" aimaqta demalys kúnderi Ashyq obektilerine 00:00-ge deiin, al eger qyzmetkerler men kelýshilerde "jasyl" mártebe bolǵan jaǵdaida (vaktsinalaý, teris nátije kórsetken PTR testin irikteý sátinen bastap 7 táýlikten aspaidy, sońǵy 3 ai ishinde aýyryp jazylǵan adamdar) Ashyq liderlerine 02:00-ge deiin jumys isteýge ruqsat etiledi.
Jumys kúnderi Ashyq obektilerine 00.00-ge deiin, Ashyq liderlerine 02.00-ge deiin jumys isteýge bolady.
Qujatta Ashyq liderlerine qarastyrylǵan jeńildikter de jazylǵan – olarǵa "qyzyl" aimaqta "sary" talaptarymen jumys isteýge ruqsat etilgen. Qyzmetkerlerdiń 90% vaktsinalanǵan jaǵdaida (meditsinalyq qarsy kórsetilimi bar jáne aýyryp jazylǵandardy qospaǵanda) obektige kelýshiler sanyn 20%-ke arttyrýǵa múmkindik bar.
Vaktsinalaýdy tekserý reidteri 2020 jyldyń 7 jeltoqsanyndaǵy Qazaqstan aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń hattamasymen bekitilgen tártipke sáikes júrgiziledi (2021 jyly 7 qyrkúiekte ózgerister engizilgen).
Sondai-aq qoǵamdyq kólik salonynda dybystyq habarlaý sharalary uiymdastyrylady:
- betperdesiz jolaýshylardyń qoǵamdyq kólikke kirýine tyiym salynǵany týraly;
- maskany mindetti túrde jáne durys kiiý týraly;
- maska rejimin saqtamaǵany úshin 30 AEK mólsherinde aiyppul salynatyny týraly;
- monitoringtik toptar turaqty reidter ótkizetini týraly.
Qaýlynyń tolyq mátinin myna jerden oqýǵa bolady.
