Almatyda karantin talaptarynyń saqtalýyn 40 monitoring toby baqylaidy, dep habarlaidy "Ult aqparat".
28 sáýirden 29 sáýirge qaraǵan túni belgilengen shekteýlerdi 13 mekeme buzǵany anyqtaldy. Olardyń arasynda: Medeý aýdanyndaǵy «Barmaglot» bary jumys istegen, onda 100-ge jýyq adam bolǵan. «Miata» laýndj bary da keýshilerdi qabyldaǵan. Ol jerden 60-qa jýyq adam shyǵaryldy.
Biylǵy jyldyń 20 naýryzy men 29 sáýiri aralyǵynda belgilengen shekteýlerdiń 714 ret buzylǵany anyqtaldy. Atap aitar bolsaq, meiramhana- 492, dámhana men dúken -93, kompiýterlik klýb -15, biliard klýby – 43, SPA-salon – 26, saýna – 2, kalian bary – 20, karaoke klýby- 9, loto klýb-1, býkmekerlik keńse – 15. Jalpy, 3288 adamǵa ákimshilik jaýapkershilik týraly hattama toltyryldy.
Almaty ákimdigi karantin sharalaryn – betperde rejimin, áleýmettik qashyqtyqty saqtaýdy jalǵastyrýǵa shaqyrady.
Epidemiologtardyń málimetteri boiynsha, búgingi kúni Almatyda 20-39 jas aralyǵyndaǵy jastar arasynda KVI juqtyrý anaǵurlym joǵary, onda aýrýmen syrqattaný 34,8%-dan 35,5%-ǵa deiin kóbeigen. Osyǵan bailanysty, qala turǵyndary barlyq qaýipsizdik sharalaryn saqtaýdy kúsheitýi qajet.
Megapoliste COVID-19-ǵa qarsy vaktsinatsiia júrip jatyr: mindet – Almaty halqynyń 60-75%-ynda ujymdyq immýnitet qalyptastyrý. 18 jastan asqan barlyq tulǵalardy egý pýnktinen tegin vaktsina alýǵa shaqyramyz, Almatyda olardyń sany búginde 200-den astam.
