Almatyda karantin merziminde 2 myń adam jumyssyzdyq mártebesin alýǵa ótinish bergen. Bul týraly onlain-brifing barysynda qalalyq halyqty jumyspen qamtý Ortalyǵynyń direktory Diliara Imanqulova aitty, dep habarlaidy "Ult aqparat".
«Qazir Ortalyq mamandary karantin kezinde jumyssyz qalǵan adamdar sanyna qatysty monitoring júrgizip jatyr. Bul ýaqytta keńes surap habarlasqan adam kóp.
Memleket jumysynan airylǵan tulǵalarǵa tabysynyń 40 paiyzy kóleminde járdemaqy tóleidi. Bul járdemaqy jumysshynyń 24 ai nemese jarty jylda tólenip turǵan tólemderinen alynady. Odan bólek bul adamdarǵa ýaqytsha jumys taýyp beremiz. Iaǵni, ol ýaqytsha jumys istep, tabysynan airylǵan tulǵa retinde járdemaqy ala alady», - dedi Diliara Imanqulova.
Onyń aitýynsha, qazir ortalyqqa 2000 adam ótinish bildirgen.
«Olardyń 882-si jumyssyz mártebesin aldy. Tótenshe jaǵdai kezinde 49 adam jumysqa ornalastyryldy. Olardyń 26-syna - turaqty jumys, 23-ine ýaqytsha jumys taýyp berdik. Kúnine 50-60 adam keńes surap habarlasady», - dedi Diliara Imanqulova.
