الماتىدا كارانتين مەرزٸمٸندە 2 مىڭ ادام جۇمىسسىزدىق مەرتەبەسٸن الۋعا ٶتٸنٸش بەرگەن. بۇل تۋرالى ونلاين-بريفينگ بارىسىندا قالالىق حالىقتى جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا ايتتى, دەپ حابارلايدى "ۇلت اقپارات".
«قازٸر ورتالىق ماماندارى كارانتين كەزٸندە جۇمىسسىز قالعان ادامدار سانىنا قاتىستى مونيتورينگ جٷرگٸزٸپ جاتىر. بۇل ۋاقىتتا كەڭەس سۇراپ حابارلاسقان ادام كٶپ.
مەملەكەت جۇمىسىنان ايرىلعان تۇلعالارعا تابىسىنىڭ 40 پايىزى كٶلەمٸندە جەردەماقى تٶلەيدٸ. بۇل جەردەماقى جۇمىسشىنىڭ 24 اي نەمەسە جارتى جىلدا تٶلەنٸپ تۇرعان تٶلەمدەرٸنەن الىنادى. ودان بٶلەك بۇل ادامدارعا ۋاقىتشا جۇمىس تاۋىپ بەرەمٸز. ياعني, ول ۋاقىتشا جۇمىس ٸستەپ, تابىسىنان ايرىلعان تۇلعا رەتٸندە جەردەماقى الا الادى», - دەدٸ ديليارا يمانقۇلوۆا.
ونىڭ ايتۋىنشا, قازٸر ورتالىققا 2000 ادام ٶتٸنٸش بٸلدٸرگەن.
«ولاردىڭ 882-سٸ جۇمىسسىز مەرتەبەسٸن الدى. تٶتەنشە جاعداي كەزٸندە 49 ادام جۇمىسقا ورنالاستىرىلدى. ولاردىڭ 26-سىنا - تۇراقتى جۇمىس, 23-ٸنە ۋاقىتشا جۇمىس تاۋىپ بەردٸك. كٷنٸنە 50-60 ادام كەڭەس سۇراپ حابارلاسادى», - دەدٸ ديليارا يمانقۇلوۆا.
