Almatynyń bas sanitar dárigeri Jandarbek Bekshin qalada 22 qarashadan bastap «jasyl» aimaq talaptary engiziletinin málim etti, dep habarlaidy QazAqparat.
«Eldiń bas sanitar dárigeriniń №42 qaýlysyna sáikes, óńir «jasyl» aimaqqa ótkennen keiin eń kemi 7 kún «sary» aimaq talaptary boiynsha jumys isteimiz», – dedi ol.
Ári qarai qaladaǵy epidemiologiialyq ahýal jaqsarsa, qala «jasyl» aimaq talaptaryna kóshedi.
«Bizdiń jospar boiynsha «jasyl» aimaq talaptaryna 22 qarashadan bastap kóshýge múmkindik bar. Qazir osy kúndi kózdep otyrmyz», - dedi qalanyń bas sanitar dárigeri.
Jandarbek Bekshinniń aitýynsha, qalada 100 myń adamǵa shaqqanda aýrýshańdyq 50-ge jetpese, «jasyl» aimaqqa sai karantin sharalary jeńildetiledi.
«Jasyl» aimaq talaptaryna sáikes, Ashyq qosymshasyna tirkelgen kásiporyn nemese uiymdar túngi saǵat úshke deiin jumys istei alady. Ashyq júiesindegi kóshbasshylar tańǵy 5-ke deiin jumys isteidi. Eger jekelei alǵanda qoǵamdyq tamaqtaný oryndarynda qonaqtar sany artady. Eger «sary» aimaqta 60% deiin ruqsat berilse, «jasyl» aimaqta oryndar sany 70% deiin artady. Al fýdkordtarda «sary» aimaqta 20% ruqsat berilse, «jasyl» aimaqta 30% artady», - deidi spiker.
Eske salaiyq, 18 qarashadan beri Almaty qalasy koronavirýstyń taralýy boiynsha «jasyl» aimaqta tur.
