Almatyda túnimen qar jaýdy. Tazalaý jumystaryna arnaiy tehnikalar jumyldyryldy, dep habarlaidy "Ult aqparat".
Almatyda 12 qarashada jańbyr jaýyp, onyń sońy qarǵa ainaldy. Mamandardyń aitýynsha, túnde qalaǵa 4-7 sm, al taýly aimaqtarǵa 10-12 sm qar tústi.
Joldarǵa, qiylystarǵa kóktaiǵaqqa qarsy materialdar sebilip, qar shyǵaryldy.
13 qarashada tańǵy saǵat 6.00-degi jaǵdai boiynsha kóktaiǵaqqa qarsy 1487 tonna material paidalanyldy. Sondai-aq, trotýarlardy, jaiaý júrginshiler aýmaqtaryn, qoǵamdyq kólik aialdamalaryn, avtoturaqtardy tazartý jumystary jalǵasýda.
Qaladaǵy qar tazalaý jumystaryna 567 tehnika, onyń ishinde 174 qumlaqtyrǵysh jáne 1485 jol jumysshylary jumyldyryldy. Aýdandyq ákimdikter men qala ákimdiginde qar tazalaý jumystaryn táýlik boiy baqylaityn kezekshilik uiymdastyrylady.
