Almatyda qar tazalaýǵa 549 arnaiy tehnika men 1298 jumysshy jumyldyryldy, – dep habarlaidy "Ult aqparat".
Almatyda 16 qarasha kúni keshki saǵat 17:00-de jaýa bastaǵan qar 17 qarasha tańǵy saǵat 04:20 shamasynda toqtady. Osy aralyqta qalaǵa 4-5 sm, taýly aýdandarda 8-10 sm deiin qar túsken.
Kóktaiǵaqtyń aldyn alý úshin joldarǵa, qiylystarǵa, jol airyqtarǵa arnaiy materialdar sebilip, qar tazalaý jumystary júrgizildi. Túngi ýaqytta 498 birlik tehnika, onyń ishinde 155 qum sebý kóligi, 490 jumysshy jumyldyryldy.
17 qarasha kúni 549 tehnika men 1298 jumysshy jol tazalaýǵa shyqty. Trotýarlardy, jaiaý júrginshiler jolyn, qoǵamdyq kólik aialdamalaryn, turaq «qaltashalaryn», saiabaqtar men skverlerdi tazalaý jumystary jalǵasýda.
Aýdandyq ákimdikterde qar tazalaý jumystaryn qadaǵalaý boiynsha táýlik boiǵy kezekshilik uiymdastyryldy.
