الماتىدا قار تازالاۋعا 549 ارنايى تەحنيكا مەن 1298 جۇمىسشى جۇمىلدىرىلدى, – دەپ حابارلايدى "ۇلت اقپارات".
الماتىدا 16 قاراشا كٷنٸ كەشكٸ ساعات 17:00-دە جاۋا باستاعان قار 17 قاراشا تاڭعى ساعات 04:20 شاماسىندا توقتادى. وسى ارالىقتا قالاعا 4-5 سم, تاۋلى اۋدانداردا 8-10 سم دەيٸن قار تٷسكەن.
كٶكتايعاقتىڭ الدىن الۋ ٷشٸن جولدارعا, قيىلىستارعا, جول ايرىقتارعا ارنايى ماتەريالدار سەبٸلٸپ, قار تازالاۋ جۇمىستارى جٷرگٸزٸلدٸ. تٷنگٸ ۋاقىتتا 498 بٸرلٸك تەحنيكا, ونىڭ ٸشٸندە 155 قۇم سەبۋ كٶلٸگٸ, 490 جۇمىسشى جۇمىلدىرىلدى.
17 قاراشا كٷنٸ 549 تەحنيكا مەن 1298 جۇمىسشى جول تازالاۋعا شىقتى. تروتۋارلاردى, جاياۋ جٷرگٸنشٸلەر جولىن, قوعامدىق كٶلٸك ايالدامالارىن, تۇراق «قالتاشالارىن», ساياباقتار مەن سكۆەرلەردٸ تازالاۋ جۇمىستارى جالعاسۋدا.
اۋداندىق ەكٸمدٸكتەردە قار تازالاۋ جۇمىستارىن قاداعالاۋ بويىنشا تەۋلٸك بويعى كەزەكشٸلٸك ۇيىمداستىرىلدى.
