Aýa-raiynyń nasharlaýyna bailanysty Almaty qalalyq politsiia Departamenti jol erejelerin qatań saqtaýdy jáne qaýipsizdik sharalaryn saqtaýdy eskertti, dep habarlaidy «Ult aqparat».
«Túngi saǵat úshten bastap qalada 70-ten astam jol-kólik oqiǵasy boldy. Onyń altaýynda adamdar zardap shekti. Jaýyn-shashynnyń kóp bolýy qaladaǵy jol jaǵdaiyn edáýir qiyndatatyny anyq. Keptelis qubylystary bar, kólikterdiń ótkizý qabileti nasharlaidy. Biraq, tájiribe kórsetip otyrǵandai, kóbinese keibir júrgizýshiler jyldamdyqty tómendetpeidi, apattyq jaǵdailar týyndatady, qaýipti manevr jasaidy, bir-birin syilamaidy. Al jaiaý júrginshiler joldy tyiym salynǵan jerden kesip ótedi. Bul faktorlar jalpy jol jaǵdaiyna keri áser etedi», - dedi Almaty qalalyq PD ákimshilik politsiia basqarmasynyń bastyǵy, politsiia polkovnigi Jandos Murataliev.
Aita keteiik, búgin túnde Almatyda qalyń qar jaýdy.
