Qańtar oqiǵasy kezinde Almatydaǵy Prezident rezidentsiiasynda 130 qarý, onyń ishinde 21 granatomet joǵalǵan. Bul týraly Bas prokýratýra habarlady, - dep habarlaidy Tengrinews.kz agenttigi.
Quqyq qorǵaý organdary ǵimaratyna jasalǵan shabýyldar nátijesinde 1 259 qyzmettik qarý, onyń ishinde avtomat, tapansha jáne granatomet urlanǵan, dedi Bas prokýratýranyń birinshi qyzmeti basshysynyń orynbasary Eldos Qilymjanov OKQ ótken brifingte.
"Tártipsizdikterden keiin rezidentsiiada 130 qarý men oq-dári jetispeitini anyqtaldy, onyń ishinde 80 granata, 17 tapansha, 11 pýlemet, 21 granatomet jáne bir mergen myltyǵy.
Almaty oblysynda Politsiia departamenti ǵimaratynan 53 pýlemet, 367 tapansha, 1 granatomet, 23 myńnan asa oq-dári urlanǵan. Jambyl oblysynda – 200 avtomat, 148 tapansha, 11 granatomet, bir pýlemet jáne 40 myńǵa jýyq oq-dári", - dedi Qilymjanov.
Ol barlyq fakt boiynsha sotaldy tergeý júrgizilip jatqanyn túsindirdi. Júieli túrde qarý-jaraq jasyrylǵan qoimalar tabylyp, oǵan qatysy bar tulǵalar anyqtalyp jatyr.
Qazirgi ýaqytta 481 qarý tabylǵan. Bul urlanǵan arsenaldyń úshten biri. Qalǵany áli qylmyskerlerdiń qolynda, dep qorytyndylady Bas prokýratýra ókili.
