Almatyda jappai tártipsizdik kezinde búlingen beinebaqylaý kameralary qalpyna keldi, dep habarlaidy QazAqparat.
Almaty qalalyq politsiia departamentiniń málimetinshe, 4-7 qańtar aralyǵyndaǵy jappai tártipsizdik kezinde 75 «Sergek» kesheni, iaǵni 304 beinekamera, sondai-aq RTRK ǵimaratynda ornalasqan bailanys ortalyǵy, antenna jáne jelilik jabdyq isten shyqty.
Búgingi kúni barlyq zaqymdalǵan kameralar men jabdyqtar qalpyna keltirildi.
«Talshyqty- optikalyq taratý júiesi arnalaryna qosylýǵa arnalǵan jeke júiesi bar 1 103 kamerany qamtityn «Beinebaqylaý júieleri» jobasy boiynsha tártipsizdikter kezinde 283 kamera, sondai-aq shkaftar men taratý jabdyqtary isten shyqty. Qazirgi ýaqytta beinekameralar men zaqymdanǵan qondyrǵylar qalypty jumys istep tur», - dep habarlady politsiiadan.
Sonymen qatar, biyl megapolistegi 3 500 kamerany jedel basqarý ortalyqtaryna qosý josparda.
