Almatyda taǵy 102 kásipker zalal ótemaqysyn aldy. Bul týraly Almaty qalasy kásipkerlik jáne investitsiialar basqarmasynan málim etti, dep habarlaidy QazAqparat.
Almatyda biznes sýbektilerine múliktik ziiandy anyqtaý jónindegi óńirlik komissiiasy jalpy somasy 188,6 mln teńgege kásipkerlerdiń 102 ótinimin maquldady.
Onyń ishinde 55,2 mln teńge somasyna 32 ótinim biýdjet qarajaty esebinen, qalǵan 133,4 mln teńgeniń 70 ótinimi «Jańa Alataý» qaiyrymdylyq qorynyń qarajatynan qarjylandyryldy.
Aita keteiik, komissiia jumysynyń barlyq kezeńinde búgingi tańda 644,9 mln teńge somasyna 362 ótinim maquldandy, onyń ishinde 212,4 mln teńgege 140 ótinim biýdjet qarajatynan, 432,5 mln teńgege 222 ótinim qor qarajatynan qarjylandyrýǵa ie boldy.
«Zardap shekken shaǵyn jáne orta biznes sýbektilerinen ótinimder túsý jalǵasýda, Info Kazakhstan saityna Almaty qalasy kásipkerlerinen barlyǵy 2 myńǵa jýyq ótinim kelip tústi»,- dep málimdedi basqarma.
