Almatyda qant bir adamǵa 5 keliden artyq satylamaidy. Ákimdik jaǵdaiǵa qatysty túsinik berdi, dep habarlaidy "Ult aqparat".
Almaty qalasy Kásipkerlik jáne investitsiialar basqarmasy qant satýdyń belgilengen shekteýine qatysty jaǵdaidy túsindirdi. Áleýmettik mańyzy bar azyq-túlik taýarlaryn jetkizý týraly kelisim Magnum, Small jáne Toimart siiaqty saýda jelilerimen jasaldy.
«Joǵaryda atalǵan dúkender jelisinde bir adamǵa bes keli qant qana satylady. Mundai shara alyp-satarlardyń aldyn alý úshin qabyldandy. Bazar jáne ózge de saýda núktelerimen salystyrǵanda munda qant baǵasy 10-15% tómen», - dep habarlady ákimdikten.
Basqarmadaǵylar qant satyp alýǵa qoiylǵan shekteýler tapshylyqpen bailanysty emes ekenin atap ótti.
