Almaty ákimi Baqytjan Saǵyntaev qalada shekteý sharalary qandai jaǵdaida kúsheitiletinin aitty, dep habarlaidy "Ult aqparat".
Baqytjan Saǵyntaev «Almaty» telarnasyndaǵy Akimat LIVE tikelei efirinde koronavirýstyń yqtimal jańa tolqynyna jol bermeý úshin kásipkerlerge qatysty qatańdatý sharalary qabyldanýy múmkin ekendigin jetkizdi.
«Biz karantindik shekteý sharalarynan eki ret óttik. Kóktemde tótenshe jaǵdai jariialandy, jazda shekteý sharalaryn qoldandyq. Eger úshinshi ret oralýymyz kerek bolsa, oǵan da daiynbyz. Biz barlyq sharalardy qandai jaǵdaida, qandai shekteý sharalary qaitarylatyndyǵyn aldyn ala belgilep qoidyq», – dedi Baqytjan Saǵyntaev.
Sonymen qatar, ákim búginde qalanyń bas sanitarlyq dárigeriniń qaýlysymen engizilgen sharalar óz kúshinde qalyp, ózgermeitindigin atap ótti.
«Biz muny koronavirýs juqtyrǵandardy aýrýhanaǵa jatqyzý arqyly anyqtaimyz. Bizdiń klinikalarǵa 250-den astam naýqas jatsa, birden shekteý sharalaryn qabyldaimyz. Virýstyń búkil qalaǵa taralmaýyn qadaǵalaimyz. Mindetti túrde shekteý sharalaryn qoldanamyz. Sonymen qatar, almatylyqtar da virýstyń aldyn alýǵa óz kómekterin tigizýi kerek», – dedi Baqytjan Saǵyntaev.
