الماتى ەكٸمٸ باقىتجان ساعىنتاەۆ قالادا شەكتەۋ شارالارى قانداي جاعدايدا كٷشەيتٸلەتٸنٸن ايتتى, دەپ حابارلايدى "ۇلت اقپارات".
باقىتجان ساعىنتاەۆ «الماتى» تەلارناسىنداعى Akimat LIVE تٸكەلەي ەفيرٸندە كوروناۆيرۋستىڭ ىقتيمال جاڭا تولقىنىنا جول بەرمەۋ ٷشٸن كەسٸپكەرلەرگە قاتىستى قاتاڭداتۋ شارالارى قابىلدانۋى مٷمكٸن ەكەندٸگٸن جەتكٸزدٸ.
«بٸز كارانتيندٸك شەكتەۋ شارالارىنان ەكٸ رەت ٶتتٸك. كٶكتەمدە تٶتەنشە جاعداي جارييالاندى, جازدا شەكتەۋ شارالارىن قولداندىق. ەگەر ٷشٸنشٸ رەت ورالۋىمىز كەرەك بولسا, وعان دا دايىنبىز. بٸز بارلىق شارالاردى قانداي جاعدايدا, قانداي شەكتەۋ شارالارى قايتارىلاتىندىعىن الدىن الا بەلگٸلەپ قويدىق», – دەدٸ باقىتجان ساعىنتاەۆ.
سونىمەن قاتار, ەكٸم بٷگٸندە قالانىڭ باس سانيتارلىق دەرٸگەرٸنٸڭ قاۋلىسىمەن ەنگٸزٸلگەن شارالار ٶز كٷشٸندە قالىپ, ٶزگەرمەيتٸندٸگٸن اتاپ ٶتتٸ.
«بٸز مۇنى كوروناۆيرۋس جۇقتىرعانداردى اۋرۋحاناعا جاتقىزۋ ارقىلى انىقتايمىز. بٸزدٸڭ كلينيكالارعا 250-دەن استام ناۋقاس جاتسا, بٸردەن شەكتەۋ شارالارىن قابىلدايمىز. ۆيرۋستىڭ بٷكٸل قالاعا تارالماۋىن قاداعالايمىز. مٸندەتتٸ تٷردە شەكتەۋ شارالارىن قولدانامىز. سونىمەن قاتار, الماتىلىقتار دا ۆيرۋستىڭ الدىن الۋعا ٶز كٶمەكتەرٸن تيگٸزۋٸ كەرەك», – دەدٸ باقىتجان ساعىنتاەۆ.
