Foto: Almaty ákimdigi
Almaty qalasynyń kúni biyl buryn-sońdy bolmaǵan aýqymda atap ótilip, merekege 500 myńnan astam turǵyn men qonaq jinaldy. Qala alańdary bi men jandy áýenge, kúlki men shyǵarmashylyqqa toly boldy, dep habarlaidy Ult.kz.
KitapFest Arbatta – 40 myńnan astam ádebietsúier qaýym
Alma Fest Tuńǵysh Prezident saiabaǵynda – 100 myń qonaq
Astana alańy – 130 myń kórermen
18–21 qyrkúiek aralyǵynda Almatynyń barlyq 8 aýdany mádeni marafonǵa qosyldy. Panfilov kóshesinde – innovatsiialyq Digital Fest, Arbatta – KitapFest, saiabaqta – Alma Fest, al Kóktóbe men ortalyq alańdarda gala-kontsertter ótti.
Sahnaǵa qazaq óneriniń ańyzǵa ainalǵan tulǵalary – Roza Rymbaeva, Dos-Muqasan, Áli Oqapov, Zarina Altynbaeva, Janbolat pen Jazira, Ulytau shyqsa, merekeniń hedlainerleri qatarynda Qairat Nurtas, MýzArt, Ninety One, Shiza, TURAR, bellucci, Adam, De Lacure boldy.
Qala kúni Almaty turǵyndary men qonaqtaryn biriktirip, megapoliske degen súiispenshiliktiń, mádeniet pen zamanaýilyqtyń merekesine ainaldy.
