Foto: Elements.envato.com
Qyrkúiektiń úshinshi jeksenbisinde Almatyda Qala kúni merekelenedi. Biyl 15 qyrkúiekke túsip tur, alaida mereke 10 qyrkúiekten-aq bastalyp ketti. Qandai sharalar ótetitine toqtalaiyq.
11 qyrkúiekte Almatylyqtardy alǵashqylardyń biri bolyp «Dos-Muqasan» quttyqtaidy. Aty ańyzǵa ainalǵan ansambldiń kontserti saǵat 19:00-de «Alataý» dástúrli óner teatrynyń aldynda (Nurkent shaǵyn aýdany, 6) ótedi.
Odan keiin dál osy alańda saǵat 20:00-de «Mýzart» tobynyń kontserti bastalady. Kirý tegin.
11 qyrkúiekte saǵat 19:00-de Arbatta «Almaty mahabbatym» atty teatrlandyrylǵan kontsert ótedi. «Jańa ǵasyr» teatrynyń artisteri retro ánder men poeziia arqyly miýzikl janryndaǵy erkin shyǵarmashylyq atmosferaǵa bólemek.
12 qyrkúiekte «Alataý» dástúrli óner teatrynyń aldynda saǵat 18:00-de (Nurkent shaǵyn aýdany, 6) «Uly dala úni» kontserttik baǵdarlamasy ótedi. Halyq aldynda Ulytau tanymal etno-rok toby óner kórsetedi.
12-15 qyrkúiek aralyǵynda Panfilov kóshesindegi Arbatta saǵat 10:00-den 20:00-ge deiin Almaty kitaphanalary «Kitap oqýǵa saiahat» atty kvest ótkizedi.
Sonymen qatar, 14-15 qyrkúiekte saǵat 11:00-den bastap Arbatta jyl saiynǵy «Kitap fest» festivali ótedi.
12 qyrkúiekte saǵat 15:00-de Sh. Aimanov atyndaǵy «Qazaqfilm» ulttyq kinostýdiiasynda kinostýdiianyń altyn qoryndaǵy filmder kórsetiledi. Aita keteiik, biyl Sh.Aimanov atyndaǵy «Qazaqfilm» kinostýdiiasynyń qurylǵanyna 90 jyl, al akter ári rejisser Sháken Aimanovtyń týǵanyna 110 jyl tolady.
13 qyrkúiekte saǵat 18:00-de «Alataý» dástúrli óner teatrynyń (Nurkent shaǵyn aýdany, 6) aldynda «Almaty keshi» atty teatrlandyrylǵan kontsert ótedi, il-shala saǵat 19:30-da teatr artisteri «Qazaqsha terapiia» tobynyń qatysýymen «Ǵasyrlar úni» teatrlandyrylǵan kontsert usynady. Kirý tegin.
Qala kúnine arnalǵan negizgi merekelik is-sharalar osy demalys kúnderi – 14 jáne 15 qyrkúiekte ótedi.
14 qyrkúiekte saǵat 18:00-de «Alataý» dástúrli óner teatrynyń aldynda (Nurkent shaǵyn aýdany, 6) Open Air Jaidarman ótedi. Ashyq aspan astyndaǵy kontsertte qalanyń eń tanymal KTK komandalary óner kórsetip, umytylmas áser, qaǵytpa qaljyń, ádemi ázil usynady. Kirý tegin.\
Artynsha saǵat 20:00-de «Alataý» dástúrli óner teatrynyń aldynda (Nurkent shaǵyn aýdany, 6) «Án terbegen Almatym» retro keshi ótedi.
14 qyrkúiekte saǵat 16:00-de Astana alańynda LuxFM radiostantsiiasynyń festivali ótip, oǵan Miras Júginisov, Aiqyn Tólepbergen, Jazzdauren jáne Adam siiaqty tanymal artister qatysady. Keshtiń basty qonaǵy – Gremmi syilyǵynyń iegeri, prodiýser DJ Imanbek.
Qala kúni, 15 qyrkúiekte saǵat 10:00-den 21:00-ge deiin Respýblika saraiynyń aldyndaǵy Abai alańynda «Almaty – bizdiń ortaq úiimiz» atty aýqymdy otbasylyq festival ótedi. Bul biregei joba árbir otbasy múshesine qyzyqty bolmaq.
Osy jerde saǵat 11:30-da «Almaty – arman qala!» estradalyq kontserti ótedi.
Dástúr boiynsha 15 qyrkúiekte Tuńǵysh Prezident atyndaǵy saiabaqta saǵat 10:00-de jyl saiynǵy «Alma Fest» festivali bastalady.
15 qyrkúiekte saǵat 11:00-den bastap Arbatta «Týǵan kúnińmen, Almatym» festivali ótedi.
15 qyrkúiekte Astana alańynda saǵat 17:00-de estrada juldyzdarynyń qatysýymen Almaty Cover Show ótedi.
Sol kúni, 15 qyrkúiekte, qala kúnine orai elimizdiń eń tanymal jas artistiń biri Sadraddin alǵash ret Ortalyq stadionda jeke kontsertin ótkizedi.
16 qyrkúiekte saǵat 18:00-de «Alataý» dástúrli óner teatrynda (Nurkent shaǵyn aýdany, 6) respýblikalyq «Ulaǵat sózim urpaqqa» festivali ótedi.
Sonymen qatar, 15-25 qyrkúiek aralyǵynda Qazaq memlekettik tsirk artisteri Tuńǵysh Prezident saiabaǵynda shoý baǵdarlama usynady.
Merekelik is-sharalar qalanyń barlyq aýdandarynda ótedi:
-Áýezov aýdanynda «Almaty - súiikti qala» merekelik kontserti 13 qyrkúiek kúni saǵat 11:00-de Family park demalys saiabaǵynda ótedi;
-Alataý aýdanynda «Almaty - meniń júregimde» merekelik kontserti 14 qyrkúiek kúni saǵat 16:00-de «Alataý» DÓT aldynda ótedi;
-Almaly aýdanynda «Týǵan kúnińmen, Almaty!» 13 qyrkúiek kúni saǵat 15:00-de Gandi atyndaǵy saiabaqta ótedi;
-Bostandyq aýdanynda «Týǵan kúnińmen, Almaty!» 13-14 qyrkúiekte saǵat 16:00-de Mega Almaty SOO aýmaǵynda ótedi;
-Jetisý aýdanynda qala kúnin merekeleý 13 qyrkúiek kúni saǵat 18:00-de Qulager sh/a «Gúlder» saiabaǵynda ótedi;
-Naýryzbai aýdanynda «Almaty - bizdiń ortaq úiimiz» merekelik kontserti 14 qyrkúiek kúni saǵat 12:00-de Shuǵyla sh/a, 347 amfiteatr aýmaǵynda ótedi;
-Túrksib aýdanynda «Almaty - ásem qalam» negizgi aýdandyq kontserti 14 qyrkúiek kúni saǵat 15:00-de №6 oqýshylar úiiniń skverinde kórkemóner ujymdarynyń, QR estrada juldyzdarynyń jáne Live band qatysýymen ótedi;
-Medeý aýdanynda «Týǵan kúnińmen, Almaty!» 14 qyrkúiek kúni saǵat 12:00-de Ortalyq mádeniet jáne demalys saiabaǵynda ótedi;
