Almatyda qaqtyǵys kezinde politseilerdiń soqqyǵa jyǵylǵan sáti túsirilgen video jariialandy, dep habarlaidy QazAqparat agenttigi.
Almaty qalalyq politsiia departamentiniń málimetinshe, videojiyntyq 4-5 qańtar aralyǵyndaǵy beinebaqylaý júieleriniń derekteri men áleýmettik jelilerdegi materialdardan daiyndaldy.
Eske sala keteiik, júzdegen agressivti adamdar tártipsizdikterdi, tonaýdy jáne basqa da zańsyz áreketterdi basý kezinde politsiia qyzmetkerlerine, áskeri qyzmetkerlerge birneshe ret shabýyl jasap, soqqyǵa jyqqan.
Jalpy alǵanda, lańkestik áreketterdiń jolyn kesý jáne memlekettik organdardyń ákimshilik ǵimarattary men strategiialyq nysandaryna qarýly shabýyldardy toitarý kezinde Almaty politsiiasynyń úsh qyzmetkeri qaza tapty, taǵy 185 tártip saqshysy jaraqat aldy, olardyń ekeýiniń jaǵdaiy aýyr.
Qańtardyń 5-i kúni Almaly aýdandyq politsiia basqarmasy janyndaǵy politsiia bóliminiń ákimshilik ǵimaratyna jasalǵan shabýylǵa toitarys berý kezinde eki politsiia qyzmetkeri Alen Asylhanov pen Rinat Qambetov jaraqat alyp, oqiǵa ornynda qaza tapty.
Taǵy bir tártip saqshysy Nurbolsyn Almasov strategiialyq mańyzy bar nysandardyń birin qorǵaý kezinde mert boldy.
Áskeri jáne qyzmettik boryshyn óteý kezinde kórsetken batyldyǵy men janqiiarlyǵy, sondai-aq memleket múddesin qorǵaýdaǵy erlikteri úshin bul politsiia qyzmetkerleri III dárejeli «Aibyn» ordenimen marapattaldy.
