Foto: ashyq derekkóz
Almaty qalasy Túrksib aýdanynyń prokýratýrasy «Q.Sátbaev atyndaǵy Qazaq ulttyq tehnikalyq zertteý ýniversiteti» KEAQ múlkin zańsyz ielikten shyǵarý faktisin anyqtap, ony ýniversitetke qaitarýǵa qol jetkizdi, dep habarlaidy Ult.kz.
Tergeý barysynda belgili bolǵandai, ýniversitettiń burynǵy basshylyǵy turǵyn úi alańynyń jetispeýshiligine qaramastan, jalpy aýdany 2500 m²-den asatyn jataqhanany jeke joǵary oqý ornyna zańsyz jalǵa bergen. Bul áreketter tender uiymdastyrmai jáne ótkizbei júzege asyrylǵan. Keiinnen ǵimarat jeke JOO-nyń menshigine zańnama talaptaryn óreskel buza otyryp satylǵan.
Jataqhananyń ákimshilik korpýsy óziniń negizgi maqsatynan tys paidalanylyp, túrli biznes qyzmetterine jalǵa berilip kelgen.
Túrksib aýdany prokýratýrasy bul zańsyz áreketterge qarsy talap-aryz berip, sottyń zańdy kúshine engen sheshimimen jataqhanany ýniversitet menshigine qaitarýǵa qol jetkizdi.
