Almaty qalalyq mobildilik basqarmasy tasymaldaýshylardyń biri naryqtan ne sebepti ketkenin túsindirdi, dep habarlaidy QazAqparat.
«AvtoTransGaz» JShS qalalyq mobildilik basqarmasyna qańtar aiynda óz qyzmetin toqtatatynyn habarlaǵan. Aita ketý kerek, kompaniianyń jabylýy - bul qalypty biznes-protsess. Kei avtobýstar aýystyrýdy talap etti, oǵan kompaniia daiyn bolmady, sondyqtan naryqtan ketý jóninde sheshim qabyldady», - dep túsindirdi basqarmadaǵylar.
Sonymen qatar, olardyń marshrýttaryn jańa avtobýstar satyp alý úshin basqa tasymaldaýshylarǵa berý josparlanǵan. Alaida, pandemiiaǵa bailanysty qoǵamdyq kólikti satyp alý jáne jetkizý protsesi keiinge qaldy.
«Búgingi tańda kompaniia qyzmet kórsetetin 12 marshrýt rezerv avtobýstary bar basqa tasymaldaýshylarǵa berildi. Shynynda da, qazir avtobýs jetispeýshiligi problemasy bar, kei marshrýttar jeliniń tek 60%-yn ǵana jaýyp otyr. Qazir basqarma osy baǵytta jumys istep jatyr. Sondyqtan kóp uzamai másele sheshiledi. Jańa avtobýstarmen qamtamasyz etiledi», - dep atap ótti basqarmadaǵylar.
Aita keteiik, qala turǵyndary jelidegi avtobýs sanynyń azaiýyna narazylyq bildirip jatyr. Búgin Almatyda eń iri avtoparkterdiń biri «AvtoTransGaz» JShS ekonomikalyq ahýaldyń kesirinen naryqtan ketkeni belgili boldy. Bul kompaniianyń marshrýttary basqa tasymaldaýshylarǵa berildi.
