Almatyda eń iri avtoparkterdiń biri «AvtoTransGaz» JShS ekonomikalyq ahýaldyń kesirinen naryqtan ketti, dep habarlaidy QazAqparat.
Bul kompaniianyń marshrýttary basqa tasymaldaýshylarǵa berildi.
«Qurmetti jolaýshylar, 16, 29, 29-r, 34, 47, 50, 85, 106, 112 jáne 126 baǵyttar - «AlmatyElektroTrans» JShS, 3 baǵyt - «SitiBas» JShS, 107-baǵyt - «Batý Trevel» JShS berildi, 108-baǵdar ázirge jumys istemeidi», - dep jazdy Almaty Avtobustary.
Naryqtan iri avtopark ketip bara jatqanyn qalalyq mobildilik basqarmasynyń basshysy Erlan Ádilov ta rastady.
«Búginnen bastap ekonomikalyq ahýalǵa bailanysty kompaniia jumysyn toqtatty. Qazir ekonomikalyq jaǵdaidy qarap jatyrmyz. Kásiporyndy shyǵarýǵa áli erte dep oilaimyn. Bul kompaniia qalada 12 baǵytqa qyzmet etedi eken. «AlmatyElektroTrans» JShS kúshimen rezervtegi avtobýstardy osy marshrýttarǵa shyǵardyq. Bul kompaniianyń júrgizýshileri basqa kásiporyndarǵa jumysqa shyǵady», - dedi Erlan Ádilov.
