Almatyda politsiia qyzmetkerleri bodi-massaj ortalyǵy retinde jasyryn jumys istegen zańsyz mekemeniń qyzmetin toqtatty, dep habarlaidy ult.kz.
Qalalyq politsiia departamentiniń málimetinshe, Bostandyq aýdanynda júrgizilgen tekserý barysynda jeke turǵyn úide saýyqtyrý qyzmetteri degen jeleýmen zańsyz qyzmet kórsetilgeni anyqtalǵan.
Jedel is-shara nátijesinde jeti áiel politsiia bólimshesine jetkizildi. Qazirgi ýaqytta olardyń jeke basyn anyqtaý jáne oqiǵanyń barlyq mán-jaiyn tekserý jumystary júrgizilip jatyr.
Politsiianyń habarlaýynsha, atalǵan derek boiynsha jan-jaqty tekserý bastalǵan. Sonymen qatar mekeme ákimshiligine qatysty qoldanystaǵy zańnama aiasynda tiisti sharalar qabyldandy.
Quqyq qorǵaý organdary zańsyz qyzmet kórsetý faktisine bailanysty qosymsha tergeý amaldaryn júrgizip jatyr.
