Foto: Almaty ákimdigi
Almaty qalasy ákimi Erbolat Dosaev Túrksib aýdanynyń turǵyndarymen kezdesý barysynda bilim berý mekemelerinde inkliýziiany qamtamasyz etý máselesine qatysty suraqtarǵa jaýap berdi, – dep habarlaidy Ult.kz Almaty qalasy ákiminiń baspasóz qyzmetine silteme jasap.
Turǵyndar qala ákimine №61 mektepte bilikti psihologtardyń jetispeýshiligine nazar aýdardy. Qala basshysynyń aitýynsha, Almatyda shamamen 200 psiholog mamanǵa suranys bar.
Foto: Almaty ákimdigi
Bul máseleni sheshý úshin psihologtar, defektologtar jáne logopedterdi daiarlaý baǵdarlamasy bastaldy. Osy maqsatta zamanaýi tájiribelerdi zertteý boiynsha ártúrli institýttarmen yntymaqtastyq máseleleri talqylanýda. Baǵdarlamanyń maqsaty - jańa syn-qaterlerdi eskere otyryp, psihologtardyń negizgi bilimin jańa talaptarǵa sáikes kóterý.
"Biz eńbekaqy tóleýdiń jeke júiesin engizýdi josparlap otyrmyz, sondai-aq balalarmen jumys isteýge jastardy tartýymyz kerek. Baǵdarlamada inkliýziiaǵa erekshe kóńil bólinedi, bul máseleni tereńirek túsinýge jáne bolashaqta olardy sheshý boiynsha jumystardy uiymdastyrýǵa kómektesedi. Biyl biz daiyndyq jumystaryn aiaqtaimyz, al kelesi jyly №61 mektep pilottyq joba bolady, onda balalar arasyndaǵy qarym-qatynastardy ózgertý men býllingpen kúresýdiń ádisterin kórsetemiz", – dedi Erbolat Dosaev.
