video kadry
Almatyda avtobýs inkassator kóligine soǵyldy. Oqiǵanyń videosy áleýmettik jelide tarady, - dep habarlaidy QazAqparat.
Almaty qalalyq Politsiia departamentiniń málimetinshe, jol apaty 25 jeltoqsan kúni tańǵy saǵat 7:40 shamasynda Abai dańǵylynyń boiynda bolǵan.
«GAZ markaly avtokóliktiń 40 jastaǵy júrgizýshisi Abai dańǵylynda, №141-úige qarama-qarsy ońtústik baǵytta artqa burylyp, Abai dańǵylymen batys baǵytta júrip kele jatqan Golden Dragon avtobýsymen soqtyǵysqan. Oqiǵa saldarynan GAZ kóliginiń júrgizýshisi zardap shekti. Ol aýrýhanaǵa jatqyzylǵan joq», - dedi Almaty Politsiia departamentiniń resmi ókili Saltanat Ázirbek.
Qazir bul derekti aýmaqtyq jaǵynan Almaly aýdanynyń politsiia qyzmetkerleri anyqtap jatyr.
