Almatyda Ishki karantin jariialandy. Qalada infektsiia oshaqtarynda qalǵan azamattardyń jumys orny saqtalyp, ýaqytsha emdelý demalysyna jiberiledi. Bul týraly búgin onlain konferentsiia barysynda ákimdik ókilderi aitty, dep habarlaidy "Ult aqparat".
QR Prezidentiniń «Qazaqstan Respýblikasynda tótenshe jaǵdai jariialaý» Jarlyǵyn oryndaý maqsatynda, koronavirýs infektsiiasynyń taralýymen kúresý shtabynyń sheshimimen jáne Almaty qalasyndaǵy bas memlekettik sanitarlyq dárigerdiń №8 úkimimen qala aimaǵynda karantin jariialandy.
Jańa karantindik jaǵdaiǵa sáikes qala ishindegi turǵyndardyń turmysy arnaiy rejimge ótedi. Infektsiiany juqtyrǵandar turatyn páterler oqshaýlanyp, barlyq aýmaq zalalsyzdandyrylady.
Atap ótetin jait, barlyq menshik úlgisindegi kásiporyndar men mekemeler COVID-19 virýsyn juqtyrǵandarmen bailanysyp, oqshaýlaýda qalǵan azamattardyń jumys orny men eńbekke jaramsyzdyq paraǵy boiynsha járdemaqysyn tóleýge mindetti.
Shekteý nemese tekserý sharalaryn ótkizý barysynda saqtyq sharalaryna erekshe mán beriledi. Qalalyq arnaiy qyzmet mekemeleriniń ókilderi jeke basty qorǵaý quralarymen jabdyqtalyp, blok beketterde tazalyq saqtaý qurylǵylary ornatylady.
Sonymen qatar, úi karantinin saqtamaǵandar QR zańnamasyna sáikes jaýapqa tartylady. Qala biligi turǵyndardy tótenshe jaǵdai rejimine túsinýshilikpen qarap, tártipke baǵynyp, asa muqtaj jaǵdai bolmasa syrtqa shyqpai, barlyq saqtyq sharalaryn oryndaýǵa shaqyrady.
Koronavirýs juqtyrǵandarmen bailanysta bolǵandar:
- turǵylyqty úiinde nemese jumys ornynda virýs juqtyrýshymen sońǵy kezdesken ýaqyttan bastap inkýbatsiialyq kezeń boiyna (14 kún ) ózin-ózi oqshaýlaý rejimin qatań saqtaý (úi karantini, syrtqa shyǵýǵa tyiym salynady) qajet.
- otbasy músheriniń densaýlyǵyn jiti baqylaýda ustaǵan jón.
- JRVI (dene qyzýy, tumaý, jótel) belgileri baiqalǵan jaǵdaida jedel járdem shaqyrýy tiis.
Suraq boiynsha táýlik boiy qyzmet kórsetetin koll ortalyq– 1406 jáne Open Almaty – 1308 nómirlerine habarlasýǵa bolady. Eger aýrýdyń asqynǵan belgisi anyqtalǵan jaǵdaida jedel túrde 382-33-50 nómiri boiynsha qalanyń sanitarlyq-epidemiologiialyq qyzmetine habarlasý kerek.
Resmi aqparattardy Almaty qalasy ákimdigi saity men áleýmettik jelidegi paraqshalarynan alýǵa bolady. Qosymsha aqparat StopcovAlmaty Telegram paraqshasynan tabasyzdar.
Eske salaiyq, 19 naýryzdar bastap Nur-Sultan jáne Almaty qalalarynda karantin jariialandy. Qalaǵa turǵyndardyń kirip-shyǵýy shekteldi.
