Almaty qalasyndaǵy I. Jekenova atyndaǵy Qalalyq klinikalyq infektsiialyq aýrýlar aýrýhanasynda jańa zerthanalyq keshen ashylyp, onda jasandy intellekt elementteri engizilgen avtomattandyrylǵan júie iske qosyldy, dep habarlaidy ult.kz.
Jańa zerthananyń ashylý rásimine Qazaqstan Respýblikasynyń Densaýlyq saqtaý ministri Aqmaral Álnazarova men Almaty qalasynyń ákimi Darhan Satybaldy qatysty.
Jobanyń basty ereksheligi – zerthanalyq zertteýlerdi jyldam ári dál júrgizýge múmkindik beretin avtomattandyrylǵan trek júiesi. Jasandy intellekt tehnologiialary engizilgen bul júie zertteý úderisin ońtailandyryp, diagnostika ýaqytyn qysqartýǵa baǵyttalǵan.
Mamandardyń aitýynsha, zerthanaǵa túsken biologiialyq úlgi júie arqyly avtomatty túrde óńdeledi. Baǵdarlama qajetti taldaý túrlerin anyqtap, materialdy tiisti qurylǵylarǵa baǵyttaidy jáne daiyn nátijelerdi dárigerlerge jetkizedi.
Sondai-aq jasandy intellekt zerthanalyq analizatorlar arasyndaǵy júktemeni tiimdi bólip, derekterdi óńdeý jyldamdyǵyn arttyrýǵa múmkindik beredi.
Avtomattandyrýdyń arqasynda qolmen atqarylatyn jumystardyń kólemi azaiyp, adami qatelik táýekeli tómendeidi. Bul ásirese infektsiialyq aýrýlarǵa shaldyqqan naýqastar úshin mańyzdy, óitkeni zertteý nátijelerin jedel alý dárigerlerge diagnozdy tez qoiyp, emdeýdi ýaqytyly bastaýǵa jaǵdai jasaidy.
Budan bólek, jańa tehnologiia meditsina qyzmetkerleriniń biologiialyq materialdarmen tikelei bailanysyn azaityp, zerthanadaǵy eńbek qaýipsizdigin kúsheitedi.
Densaýlyq saqtaý salasy ókilderiniń pikirinshe, mundai tsifrlyq sheshimder meditsinalyq qyzmet kórsetý sapasyn arttyryp, infektsiialyq aýrýlardy anyqtaý men emdeýdiń tiimdiligin jaqsartýǵa yqpal etedi.
