Foto: Unsplash.com
Almatyda Grýziia azamaty fishing-alaiaqtyq jasady degen kúdikke ilindi, – dep habarlaidy Polisia.kz portaly.
“CyberPol” bólimshesiniń málimetinshe, arnaiy is-shara barysynda sheteldiktiń qylmystyq áreketiniń joly kesilgen.
Jedel derekterge sáikes, 41 jastaǵy Grýziia azamatynyń Almaty qalasynda birqatar alaiaqtyqqa qatysy bar ekendigi anyqtaldy. Ol ekinshi deńgeili bankterden nesie alýǵa ótinish bildirgen turǵyndardyń aqshasyn aldaý arqyly, iaǵni fishingtik jolmen iemdenip kelgen.
Keibir málimetterge sáikes, sheteldik azamat bul aldaý tizbegimen birneshe jyl boiy ainalysqan bolýy múmkin.
"Qazirgi ýaqytta onyń basqa da osyǵan uqsas derekterge qatysy bar-joǵy tekserilip jatyr. Kúdikti qamaýǵa alyndy.
QR QPK-niń 201-babyna sáikes ózge aqparattar tergeý múddesine orai jariialaýǵa jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady" - delingen habarlamada.
