Foto: yandex.ru
Almatyda ǵimarattarǵa seismikalyq aýdit júrgiziledi. Bul týraly Erbolat Dosev Bostandyq aýdany turǵyndarymen kezdesýinde málim etti, dep habarlaidy QazAqparat.
Almaty ákimimen kezdesýge kelgen Bostandyq aýdanynyń turǵyny qaladaǵy ǵimarattardyń seismikalyq tózimdiligin kúsheitý máselesin kóterdi. «Biz qalanyń bas josparyn talqylaýynda boldyq, nege ol jerde ǵimarattardyń seismikalyq kúsheitýi eskerilmeidi? Túrkiiadaǵy zilzala onyń óte qaýipti ekenin kórsetti», - deidi almatylyq.
Almaty ákimi 2021 jyldyń 1 shildesinen bastap qalada seismikalyq mikroaimaqtandyrýdyń jańa kartasy bekitilgenin, ondaǵy barlyq aqaýlar eskerligenin aitty.
«Almatyda ǵimarattardy seismikalyq kúsheitý jumystary júrgizilýde, bul baǵyttaǵy jumystar jalǵasyp jatyr. Búginde qala QazQSǴZI bekitken talaptarǵa sai ómir súrýde. 2017-2018 jyldary institýtta aýdit júrgizildi. Biylǵy jyldyń ekinshi jartysynda biz qalanyń jańa seismikalyq aýditin bastaimyz. Jańa bas josparǵa keletin bolsaq, 2020-2021 jyldary Almatyda jańa tektonikalyq oiyqtar paida bolǵanyn bilesizder. Jańa bas josparda barlyq qajetti seismikalyq talaptar, sonyń ishinde jańa oiyqtar eskerilgen: Abai kóshesiniń joǵary jaǵy 10 ball, odan tómen 9 baldyq aimaqta ornalasqan», - dedi ákim.
