Foto: t.me/POLICE_of_KZ
Almatyda fitnes-jattyqtyrýshyny óz páterinde óltirip ketken, - dep habarlaidy "Ult aqparat".
Polisia.kz Telegram-arnasynyń málimetinshe, qylmystyq oqiǵa Naýryzbai aýdandyq politsiia bóliminde tirkelgen.
"Qazirgi ýaqytta QR QK-niń 99-baby 1-bóligine sáikes tergeý júrgizilip jatyr. Qylmysty ashý maqsatynda tergeý jedel toby quryldy. Kúdiktiler anyqtalyp, olardy ustaý sharalary júrgizilip jatyr" - delingen IIM baspasóz qyzmeti habarlamasynda.
Aldyn ala málimet boiynsha, T. esimdi azamat pen onyń tanysynyń arasynda janjal bolǵan.
Aita keteiik, áleýmettik jelilerde 19 shildege qaraǵan túni "Fitness Blitz" fitnes-jattyqtyrýshysy páterinde atyp óltirilgeni týraly aqparat paida boldy.
Al Sputnik Qazaqstan agenttiginiń jazýynsha, qaitys bolǵan Damir Tórebaev "FitnessBlitz" fitnes-klýb jelilerin basqarǵan. Ol - mamandandyrylǵan jattyqtyrýshy, bokstan jáne sýda júzýden sport sheberine úmitker.
