Almatylyq firmalardyń birinen urylar ishinde 1,5 mln astam teńgesi bar seifti urlap ketti, dep habarlaidy QazAqparat.
Almaty qalalyq politsiia departamentiniń málimetinshe, kúdiktiler ustaldy. Olardyń urlyq jasaý áreketi beinebaqylaý kameralaryna túsip qalǵan.
«Keńsege kirýdiń birinshi áreketi sátsiz aiaqtaldy. Bul sátti de beinekameralar túsirip alǵan. Basty is-shara kezinde kúdiktilerdiń biri ekinshi qabatqa kóterilip, plastik terezeni ashqan jáne sol arqyly seifti kóshege laqtyryp jibergen. Tómen jaqta ekinshi kútip turǵan. Kúdiktilerdiń oljasy bir jarym million teńgeden astam somany quraǵan. Jedel-izdestirý is-sharalarynyń barysynda kúdiktiler ustaldy. Olar 26 jáne 28 jastaǵy jigitter», – dedi Almaly aýdandyq politsiia basqarmasynyń bastyǵy Esen Ysqaqov.
Ustalǵandarǵa bótenniń múlkin urlady degen aiyp taǵyldy.
Olar qamaýǵa alyndy.
Aita keteiik, buryn ekeýi de osyǵan uqsas qylmystar úshin sottalǵan.
