QR Ulttyq kitaphanasynyń «Ál-Farabi» ǵylymi ortalyǵynda belgili jazýshy, dramatýrg Rollan Seisenbaevtyń «Farabi» atty 7 tomdyq jinaǵynyń tusaýkeseri ótti, dep habarlaidy "Ult aqparat".
Jinaq uly oishyl Ábý Nasyr ál-Farabidiń 1150 jyldyq mereitoiy aiasynda halyqaralyq «Abai» klýbynyń, Ál-Farabi atyndaǵy Qazaq ulttyq ýniversitetiniń jáne álem halyqtary ádebi ýniversitetiniń qoldaýymen jaryq kórdi.
7 tomdyq jinaqta ál-Farabidiń «qaiyrymdy qala», filosofiialyq, áleýmettik-etikalyq traktattary men mýzyka, ǵylym, oi-sana, ustazdyń oralýy atty kitaptary engen.
Týyndylardy baspaǵa belgili jazýshy, dramatýrg Rollan Seisenbaev daiyndady.
«Myna ómirde eki dúnie úshin jumys isteýge bolady. Ol –Qudai jáne áýlieler. Ál-Farabi sol qazaq áýlieleriniń biregeii. Sondyqtan biz bul kitaptardy jas oqyrmanǵa, stýdentterge arnap jasadyq. Óitkeni, bul –filosofiialyq kitaptar. Ony oqý, túsiný óte aýyr. Sondyqtan jastarǵa yńǵailap, uǵynyqty tilmen jazdyq. Sebebi, ál-Farabi týyndylaryn birden túsinip, júregińmen qabyldaý múmkin emes. Ony jas kele túsinesiń. Jas kezińde oqyǵan kitapty, qartaiǵan shaǵyńda qaita oqysań múldep basqasha qabyldaisyń. «Farabi» jinaǵy qundy dúnie. Jastarǵa jáne keiingi urapqqa bereri mol qazyna»,– deidi Rollan Seisenbaev.
Sharaǵa belgili qoǵam qairatkerleri, ziialy qaýym ókilderi, aqyn-jazýshylar men kitaphana oqyrmandary qatysty.
