Almatyda esirtkini nasihattaý boiynsha 150-ge jýyq graffiti syrlandy, dep habarlaidy "Ult aqparat" Polisia.kz-ke silteme jasap.
19 shilde kúni Alataý jáne Naýryzbai aýdandarynda «Jastar saiasatyn damytý» memlekettik qorynyń eriktilerimen birlesip ótkizilgen respýblikalyq jedel-aldyn alý is-sharasy aiasynda sintetikalyq esirtkiniń taralýy týraly aqparatty qamtityn graffiti-jazýlardy anyqtaýǵa jáne joiýǵa baǵyttalǵan aktsiia ótkizildi.
«Aktsiia aiasynda turǵyn úilerdiń, garajdardyń, ákimshilik ǵimarattardyń qabyrǵalarynda esirtkiniń taralýyn nasihattaityn saittar jarnamasy bar trafaretter men graffiti boialdy. Aktsiiany qalalyq politsiia departamentiniń esirtki biznesine qarsy is-qimyl basqarmasy qyzmetkerleri jáne Alataý aýdanynyń politsiia basqarmasy jergilikti politsiia qyzmetiniń ýchaskelik politsiia inspektorlary, sondai-aq 20 erikti júrgizdi. Alataý aýdanynyń aýmaǵynda 123 graffiti-jarnama boialdy», – dedi Almaty qalasy politsiia departamentiniń esirtki qylmysyna qarsy is-qimyl basqarmasynyń bastyǵy Erlan Almaǵambetov.
Sondai-aq Naýryzbai aýdanynyń aýmaǵynda is-sharany ótkizýge 20 graffiti-jarnama anyqtalyp, esirtki biznesine qarsy is-qimyl basqarmasynyń jeke quramy, sondai-aq Naýryzbai aýdanynyń politsiia basqarmasy jergilikti politsiia qyzmetiniń ýchaskelik politsiia inspektorlary 10 qyzmetkeri jáne memlekettik qordyń 20 eriktisi jumyldyryldy.
