الماتىدا ەسٸرتكٸنٸ ناسيحاتتاۋ بويىنشا 150-گە جۋىق گراففيتي سىرلاندى, دەپ حابارلايدى "ۇلت اقپارات" Polisia.kz-كە سٸلتەمە جاساپ.
19 شٸلدە كٷنٸ الاتاۋ جەنە ناۋرىزباي اۋداندارىندا «جاستار ساياساتىن دامىتۋ» مەملەكەتتٸك قورىنىڭ ەرٸكتٸلەرٸمەن بٸرلەسٸپ ٶتكٸزٸلگەن رەسپۋبليكالىق جەدەل-الدىن الۋ ٸس-شاراسى اياسىندا سينتەتيكالىق ەسٸرتكٸنٸڭ تارالۋى تۋرالى اقپاراتتى قامتيتىن گراففيتي-جازۋلاردى انىقتاۋعا جەنە جويۋعا باعىتتالعان اكتسييا ٶتكٸزٸلدٸ.
«اكتسييا اياسىندا تۇرعىن ٷيلەردٸڭ, گاراجداردىڭ, ەكٸمشٸلٸك عيماراتتاردىڭ قابىرعالارىندا ەسٸرتكٸنٸڭ تارالۋىن ناسيحاتتايتىن سايتتار جارناماسى بار ترافارەتتەر مەن گراففيتي بويالدى. اكتسييانى قالالىق پوليتسييا دەپارتامەنتٸنٸڭ ەسٸرتكٸ بيزنەسٸنە قارسى ٸس-قيمىل باسقارماسى قىزمەتكەرلەرٸ جەنە الاتاۋ اۋدانىنىڭ پوليتسييا باسقارماسى جەرگٸلٸكتٸ پوليتسييا قىزمەتٸنٸڭ ۋچاسكەلٸك پوليتسييا ينسپەكتورلارى, سونداي-اق 20 ەرٸكتٸ جٷرگٸزدٸ. الاتاۋ اۋدانىنىڭ اۋماعىندا 123 گراففيتي-جارناما بويالدى», – دەدٸ الماتى قالاسى پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى ەرلان الماعامبەتوۆ.
سونداي-اق ناۋرىزباي اۋدانىنىڭ اۋماعىندا ٸس-شارانى ٶتكٸزۋگە 20 گراففيتي-جارناما انىقتالىپ, ەسٸرتكٸ بيزنەسٸنە قارسى ٸس-قيمىل باسقارماسىنىڭ جەكە قۇرامى, سونداي-اق ناۋرىزباي اۋدانىنىڭ پوليتسييا باسقارماسى جەرگٸلٸكتٸ پوليتسييا قىزمەتٸنٸڭ ۋچاسكەلٸك پوليتسييا ينسپەكتورلارى 10 قىزمەتكەرٸ جەنە مەملەكەتتٸك قوردىڭ 20 ەرٸكتٸسٸ جۇمىلدىرىلدى.
