Foto: Polisia.kz
Almatyda esirtki jelisi joiyldy, - dep habarlaidy "Ult aqparat" Polisia.kz saityna silteme jasap.
Bes adam marihýanany jetkizýmen jáne satýmen ainalysqan: birge turatyn jup, olardyń dosy - betbelgi qoiýshy jáne kýrer. Jas juptyń qylmystyq protsestiń jetekshileri ekendigi jedel jáne tergeý is-sharalary barysynda belgili bolǵan.
27 jastaǵy L. esimdi azamat pen onyń 35 jastaǵy serigi - K. esimdi áiel uiymdastyrýshy jáne úilestirýshi qyzmetin atqarǵan. Betbelgi qoiýshylardyń mindetterin 30 jastaǵy B. esimdi, 28 jastaǵy A. esimdi er adamdar oryndaǵan. Al shabarman 25 jastaǵy A. esimdi azamat bolǵan.
"Qala prokýratýrasynyń úilestirýimen "Esirtki qylmysyna qarsy kúres" jobasy aiasynda júrgizilgen maqsatty jedel-izdestirý is-sharalarynyń nátijesinde bizdiń bólimsheniń qyzmetkerleri QR IIM EQD, QR AFM ókilderimen birlesip, messendjerler arqyly bailanyssyz ádispen esirtki satýdy jolǵa qoiǵan esirtki satýshylardyń qylmystyq áreketteriniń jolyn kesti. Qaskóilerdiń Ispaniia men AQSh-tan poshta arqyly esirtki salynǵan sálemdemelerdi alǵany belgili boldy. Shóp úshin tólemdi tutynýshylardan Qiwi ámiian arqyly alǵan. Qarajatty shyǵarýdy ekinshi deńgeili bankter arqyly júrgizgen. Tergeýdiń osy kezeńinde 49 banktik esepshot anyqtaldy", - dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Ol kúdiktilerdiń qylmystyq áreketteri resmi túrde qujattalǵanyn, "satyp alýlar" júrgizilgenin atap ótti. Sonymen qatar kúdiktilerdiń turǵylyqty jerinde ruqsat etilgen tintý jumystary júrgizilgen. Negizgi aiyptalýshylardyń páterinen 6 million teńge, SIM-kartalar, bank kartalary, elektrondy tarazylar, sondai-aq erekshe iisi bar shishka ósimdik zattary tabyldy jáne tárkilengen. Ustalǵandar qamaýǵa alyndy.
Politsiiada QR QPK-niń 201-babyna sáikes ózge aqparattar tergeý múddesine orai jariialaýǵa jatpaitynyn aityp ótti. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady.
