Almaty aýmaǵyndaǵy jasyryn zerthanalarda iri kólemde sintetikalyq esirtki jasaýǵa jáne olardy Internet resýrstar arqyly taratýǵa qatysy bar 2 top áreketi anyqtaldy, - dep habarlaidy Tengrinews.kz.
Vedomstvo málimetinshe, 2021 jylǵy qazanda UQK Almaty qalasy boiynsha departamenti Almaty qalasy prokýratýrasynyń uiymdastyrýymen jedel-izdestirý sharasy júrgizilgen.
Shara nátijesi boiynsha, "mefedron" jáne "Alfa-PVP" jasyryn óndirisi boiynsha 2 esirtki zerthanasyn uiymdastyrǵan Qyrǵyzstan azamaty men tórt Qazaqstan azamaty ustalǵan.
"Tintý júrgizý nátijesinde 4 keli sintetikalyq esirtki, jáne 40 litr jartylai daiyn esirtki zaty, 1 keli gashish, 20 keliden asa himiialyq qospa jáne zerthanalyq jabdyqtar tabylyp, tárkilendi.
Qylmystyq taýardyń áleýmettik messendjerler arqyly bailanyssyz tásilmen jasyryn jerge qaldyrý jolymen taratylǵany anyqtaldy", - delingen habarlamada.
Qazaqstan UQK Almaty qalasy boiynsha departamenti sotaldy tergeý materialdaryn QR QK-nyń 297-baby 3-bóligi boiynsha SDTBT-ǵa tirkegen.
