Foto: Polisia.kz
Almatyda bolǵan tonaý qylmysy videoǵa túsip qaldy, – dep habarlaidy "Ult aqparat" Polisia.kz portalyna silteme jasap.
Jábirlenýshi qylmys týraly politsiiaǵa habarlaǵan. Er adam úiine qaityp kele jatqanda belgisiz bireýler oǵan kútpegen jerden shabýyl jasap, uryp-soǵyp, qolyndaǵy noýtbýk pen aqshasy bar sómkesin tartyp alǵanyn aitqan.
Al qaraqshylyq shabýyl beinebaqylaý kameralaryna túsip qalǵan.
Politsiia basqarmasy baspasóz qyzmetiniń málimetinshe, kúdiktiler ustaldy.
"Kúdiktiler – 26 jáne 34 jastaǵy azamattar. Jaýap alyp, bettestirgennen keiin olar óz kinálaryn moiyndady. Ustalǵan adamdar ýaqytsha ustaý izoliatoryna qamaldy. Atalǵan derek boiynsha QR QK-niń 191-baby 2-bóligine sáikes qylmystyq is tirkeldi. Qazirgi tańda kúdiktilerdiń qalanyń basqa da aýdandarynda buryn jasalǵan osyǵan uqsas qylmystarǵa qatysy bar-joǵy anyqtalyp jatyr", – dedi Almaly aýdandyq PB-ǵa qarasty politsiia bóliminiń basshysy Batýrjan Abdýmasarov.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
