Foto: IIM baspasóz qyzmeti
Almaty politseileri adam urlaýdyń jolyn kesti, - dep habarlaidy "Ult aqparat" Polisia.kz portalyna silteme jasap.
Qylmys keshe keshke qalanyń Almaly aýdanynda bolǵan.
"JBO jedel kezekshisinen Chevrolet kóligine adamdy kúshtep otyrǵyzý týraly habarlama kelip tústi. Qala boiynsha arnaiy "Perehvat" jospary engizildi. Atalǵan kólik Gogol men Pýshkin kósheleriniń qiylysynda kózge túsken. Izine túsý nátijesinde kólikti eki ekipaj Maqataev men Jetisý kósheleriniń qiylysynda jaýyp tastady. Salonda úsh adam bolǵan, olar ustaldy. Júksalǵyshtan taǵy bir er adam tabyldy, ol atalǵan kóliktiń iesi ekendigi belgili boldy. Kúdiktiler jedel-tergeý tobyna tapsyryldy. Olardyń áreketine quqyqtyq baǵa beriletin bolady", - dedi Almaty qalasy PD JPQB PPP vzvodynyń komandiri Meiirjan Qalkeev.
Ustalǵandardyń aitýynsha, Chevrolet kóliginiń iesi olardy iri kólemdegi aqshaǵa aldap ketken.
Osylaisha olar qaryzdy qaitaryp almaq bolǵan. Al jábirlenýshi kerisinshe aityp, ony qutqarǵan politsiia qyzmetkerlerine alǵysyn bildirdi.
Qylmystyq istiń basqa da mán-jailary QR QPK-niń 201 baby jáne QR Konstitýtsiiasynyń normalaryna sáikes jariia etýge jatpaidy.
