Almatyda mas er adam janynan ótip bara jatqan qyzǵa pyshaqpen shabýyl jasady. Zardap shegýshi pyshaq jaraqatynan aýrýhanaǵa tústi, dep habarlaidy "Ult aqparat".
Almaty qalalyq Politsiia departamentiniń málimetinshe, oqiǵa 24 naýryz kúni bolǵan.
«Qasymnan ótip bara jatqan adam arqama pyshaq saldy. Ókpeme de zaqym kelipti. Ota jasaldy. Qazir densaýlyǵym jaqsy. Dárigerlerge alǵysym sheksiz», - dep jazdy jaraqat alǵan qyz Instagram-daǵy paraqshasynda.
Onyń sózine qaraǵanda, pyshaqtaǵan adamdy múldem tanymaidy.
Politsiia departamertiniń baspasóz qyzmeti kúdiktiniń ustalǵanyn málimdedi.
«Kúdikti 1969 jyly týǵan Almatynyń turǵyny bolyp shyqty. Ol ishimdikke masań kúide bolǵan, sosyn ótip bara jatqan qyzǵa esh sebepsiz shabýyl jasap, pyshaqpen jaraqattaǵan. Qazir qyz aýrýhanada jatyr. Atalǵan fakt sotqa deiingi tergeýdiń biryńǵai tizilimine QR Qylmystyq kodeksiniń 293-baby (Buzaqylyq) boiynsha tirkelgen. Tergeý júrip jatyr», - dep habarlady politsiiadan.
