الماتىدا ماس ەر ادام جانىنان ٶتٸپ بارا جاتقان قىزعا پىشاقپەن شابۋىل جاسادى. زارداپ شەگۋشٸ پىشاق جاراقاتىنان اۋرۋحاناعا تٷستٸ, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ مەلٸمەتٸنشە, وقيعا 24 ناۋرىز كٷنٸ بولعان.
«قاسىمنان ٶتٸپ بارا جاتقان ادام ارقاما پىشاق سالدى. ٶكپەمە دە زاقىم كەلٸپتٸ. وتا جاسالدى. قازٸر دەنساۋلىعىم جاقسى. دەرٸگەرلەرگە العىسىم شەكسٸز», - دەپ جازدى جاراقات العان قىز Instagram-داعى پاراقشاسىندا.
ونىڭ سٶزٸنە قاراعاندا, پىشاقتاعان ادامدى مٷلدەم تانىمايدى.
پوليتسييا دەپارتامەرتٸنٸڭ باسپاسٶز قىزمەتٸ كٷدٸكتٸنٸڭ ۇستالعانىن مەلٸمدەدٸ.
«كٷدٸكتٸ 1969 جىلى تۋعان الماتىنىڭ تۇرعىنى بولىپ شىقتى. ول ٸشٸمدٸككە ماساڭ كٷيدە بولعان, سوسىن ٶتٸپ بارا جاتقان قىزعا ەش سەبەپسٸز شابۋىل جاساپ, پىشاقپەن جاراقاتتاعان. قازٸر قىز اۋرۋحانادا جاتىر. اتالعان فاكت سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە قر قىلمىستىق كودەكسٸنٸڭ 293-بابى (بۇزاقىلىق) بويىنشا تٸركەلگەن. تەرگەۋ جٷرٸپ جاتىر», - دەپ حابارلادى پوليتسييادان.
