videodan alynǵan kadr
Almaty qalasynda mas er adam úiiniń terezesinen oq jaýdyrdy, - dep habarlaidy "Ult aqparat" Rolisia.kz Telegram-arnasyna silteme jasap.
Almaty qalasynyń Áýezov aýdanyndaǵy úilerdiń birinde er adamnyń páter terezesinen oq atqany týraly habarǵa dereý patrýldik politsiia qyzmetkerleri men politsiianyń arnaiy jasaqtary attanǵan.
"Nátijesinde, 1959 jyly týǵan er adam ustaldy. Onyń alkogoldi masań kúide óz atyna tirkelgen ańshy myltyǵynan birneshe ret oq atqany belgili boldy.
Zardap shekkender joq.
Onyń áreketine quqyqtyq baǵa tergeý barysynda beriledi. QR Qylmystyq-protsessýaldyq kodeksiniń 201-babyna sáikes ózge málimetter jariia etýge jatpaidy", - delingen habarlamada.
