Áleýmettik jelide beitanys boijetkenniń jol boiyna júgirip shyǵyp, kólik júrgizýshisinen janushyra kómek suraǵany túsirilgen video tarady. Oqiǵa Almaty qalasynda bolǵan, dep habarlady "Ult aqparat".
Atalǵan beinejazbany óziniń Telegram arnasynda jýrnalist Mihail Kozachkov jariialady. Onyń sózinshe, videony Rústem atty azamat jibergen.
«Ol 28 shildeniń túninde Almatynyń tómengi jaǵynda óz sharýalarymen júrgen kezde joldyń boiyna beitanys qyz atyp shyǵyp, kómek suraǵanyn aitty. Artynan jas jigit te shyǵady, biraq Rústem oǵan deiin qyzdy kóligine otyrǵyzyp, júrip ketedi» - dep jazdy Kozachkov.
Qazir politsiia osy oqiǵaǵa qatysty tergeý jumystaryn bastady. 2000 jyly týǵan azamatsha B.-ny zorlaýǵa árekettený faktisi tirkelgen. Isti Jetisý aýdandyq politsiia bóliminiń qyzmetkerleri qarap jatyr.
«Jábirlenýshi qyz osy oqiǵadan biraz ýaqyt buryn alkogoldik ishimdik ishken tanysynan kúdiktenedi. Oqiǵanyń mán-jaiy anyqtalyp jatyr. Shuǵyl tergeý toby quryldy» - deidi Almaty qalalyq PD baspasóz qyzmeti.
