Almaty qalasynyń sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin megapolistegi epidemiologiialyq ahýal týraly aitty, dep habarlaidy QazAqparat.
«Jyl basynan beri Almatyda koronavirýs juqtyrýdyń 156 myń jaǵdaiy tirkeldi. Sońǵy táýlikte 309 adam virýs juqtyrdy. Delta shtamy shyqqanda kúnine 1700-ge deiin jaǵdai tirkeletin, qazir - táýligine 300-350. Koronavirýstyń taralýy bazalyq boljamǵa sáikes infektsiialardyń tómendeý dinamikasynda turaqtanýdy jalǵastyryp jatyr», - deidi ol.
Spikerdiń aitýynsha, syrqattaný kórsetkishi 100 myń turǵynǵa shaqqanda 121-den 113-ke deiin tómendedi. Al táýlik ósimi 0,22-den 0,18-ge azaidy.
«Infektsiialyq berilý indeksi 0,9 deńgeiinde saqtalyp otyr. Qazirgi tańda qalada immýndaý kórsetkishi - 54 paiyz. Qalada virýs juqtyrǵandardyń eń kóbi - 20-39 jastaǵylar», - dedi Jandarbek Bekshin brifingte.
