«Almaty» telearnasynyń Akimat LIVE baǵdarlamasynyń tikelei efirinde qala ákimi Baqytjan Saǵyntaev megapolis turǵyndaryn epidemiologiialyq ahýaldyń jaqsarǵanyna qaramastan COVID-19 vaktsinasyn keiinge qaldyrmaýǵa shaqyrdy, dep habarlaidy QazAqparat.
Qala ákiminiń aitýynsha, ekpe alǵan millionnan astam almatylyqtardyń belsendiligi arqasynda koronavirýsty juqtyrý tizbeginiń kópshiligin úzip, aýrýdyń taralý qarqynyn tómendetýge qoljetti.
Olardyń ishinde 24 654 quqyq qorǵaý organdarynyń qyzmetkeri, 35 469 (100%) pedagog, 38 935 (100%) meditsina mamandary bar.
Sonymen qatar, ol pandemiia áli aiaqtalmaǵandyqtan, vaktsinalaný qarqynyn kúsheitý qajettigin atap ótti.
«Almatylyq epidemiologtardyń, virýsologtardyń, dárigerlerdiń jáne medpersonaldyń arqasynda Almatyda dert tómendedi. Sondyqtan qalanyń árbir turǵyny vaktsinalaný arqyly ujymdyq immýnitetti qalyptastyrýǵa kómektesýi tiis. Tek ótken táýlikte 2 100-den astam qala turǵyny vaktsinanyń birinshi komponentin aldy.Qarasha aiynyń ortasynan bastap KVI vaktsinasyn alýǵa buryn ekpe almaǵandar belsendi túrde qosyldy. Búginde Pfizer preparatymen 8 496 adam vaktsinalandy, onyń ishinde júkti áielder – 529, bala emizetin analar – 2 026 jáne balalar – 5 941»,- dedi Almaty ákimi.
Tikelei efir barysynda Baqytjan Saǵyntaev revaktsinatsiiany birinshi kezeńde kimder alatynyn aitty.
«Qalada 22 qarashadan bastap revaktsinatsiiadan ótýge bolady Ázirge KVI vaktsinasynyń úshinshi dozasyn meditsina qyzmetkerleri, pedagogtar, kúsh qurylymdarynyń qyzmetkerleri, meditsinalyq-áleýmettik mekemelerdiń qyzmetkerleri men kontingenti, 60 jastan asqan adamdar alady.
Búgingi kúni barlyǵy 315 adam revaktsinalandy. Qazirgi kezde inaktivirlengen: QazVac (RK), Vero Sell (KNR) vaktsinalaryn alýǵa bolady. QR Densaýlyq saqtaý ministrligi «Spýtnik Lait» vaktsinasyn jetkizý boiynsha kelissózder júrgizýde. Qalǵan almatylyqtar úshin revaktsinatsiianyń ekinshi kezeńi 2022 jyldyń qańtarynan bastalady», - deidi ol.
